BACÚLUD

Metung yang malating balen ing Bacolor a pakabusal king libutad ning lalawigang Kapampangan. Ing balen a iti bulalag ya king makimalalam nang amlat at kasalesayan, mapakyabeng memalen, ampo karing manganyaman a pamangan. Kayabe keti deng bobotu o tamalis, mialiwang suman, putu seku, pindang damulag, ampo tosinu.

Iting kontemporaryung piblasan a Filipiñana Bakúlud, metakmus ya datang king kabaldugan ning amanung “bakulud”, a buri nang sabyan matas a gabun o lugal. Ketang mumunang panaun, ing lagyu ning balen misasalitan yang meaus a Baculud ampo Bacolor a nung nu ya ngeni mas mekilala. Iting Filipiñana Bakúlud naman migayak yang makimitmu karakal a butil-butil o “beads” ampo “lace” a gawa king dutung – deti reng mangabaldugang king bie ampo pamanubu, ampong maki-dase ya’t yantuk, a mangabaldugan keng sikanan ampo pamisanmetung.

Ing gulut na niti, metung yang lalang-biswal a papakit keng mikutkut a pisamban, ing San Guillermo a Pisamban ning Bacolor, pauli ning linapong dagus na kanita ning balas a lahar ketang panaun a memaltuk ya ing Bunduk Pinatubu, at ing Exodu ding memalen keti. Iti mu rin ing panaun a makatapak lang linakad ding tau kabang pibekutbekut do ring sasagipang dang pibapibandian, nung nu keti la naman meyakit a miyayaptasan a lalakad ding mabandi ampo malukang memalen.

Ing masanting a kalalangan a gewa neng Kevin Cayanan bubuntalag ne ing samut-saring leguan ning Villa de Bacolor, a nung nu king sumangid nign miayaliwang pamikatagun, ding kule na manatili lang mayilad karing miyaliwang sapning daratang.

Best in Local Costume — 1st Runner Up
Designer | Kevin Cayanan

#AeSHIEsforMNK2024
#MutyaningKapampangan
#AthensofPampanga
#VilladeBacolor
#LovePampanga