PENSYON PARA SA MGA QUALIFIED SENIOR CITIZENS

Ikalawang araw na ng pamamahagi ng Social Pension para sa ating mga minamahal na senior citizens ng Bacolor. Ang aktibidad na ito ay isinakatuparan sa tulong at dedikasyon ng OSCA-Bacolor at MSWDO staff na walang sawang nagsisilbi upang masiguro na maayos at maagap na natatanggap ng ating mga nakatatanda ang kanilang benepisyo.
Nawa’y patuloy pang dumami ang ating mga qualified pensioners sa mga darating na panahon upang mas marami pang senior citizens ang makinabang sa programang ito. Patuloy naming isusulong ang makabuluhang serbisyo para sa kapakanan at kaginhawaan ng ating mga nakatatanda.